కొమురం భీం ఆసిఫాబాద్ జిల్లా చింతలమానెపల్లి మండలంలోని గూడెం గ్రామంలో సెల్ ఫోన్ పేలడంతో ఓ విద్యార్థి తీవ్రంగా గాయపడిన ఘటన కలకలం రేపింది. స్థానికుల కథనం ప్రకారం, గూడెం గ్రామానికి చెందిన నికాడి లోకేశ్ ఇంట్లో సెల్ ఫోన్ చూస్తుండగా ఒక్కసారిగా ఫోన్ పేలిపోయింది. ఈ ప్రమాదంలో అతని ముఖం, ముఖ్యంగా మూతి భాగానికి తీవ్ర గాయాలయ్యాయి. వెంటనే కుటుంబ సభ్యులు, స్థానికులు అతడిని చికిత్స కోసం ఆసుపత్రికి తరలించారు. ఈ ఘటనతో గ్రామంలో ఆందోళన నెలకొనగా, సెల్ ఫోన్‌లు ఉపయోగించే సమయంలో, ముఖ్యంగా ఛార్జింగ్‌లో ఉన్నప్పుడు జాగ్రత్తలు పాటించాలని స్థానికులు సూచిస్తున్నారు. ఫోన్ పేలడానికి గల అసలు కారణాలు ఇంకా తెలియరాలేదని, ఈ ఘటనకు సంబంధించిన పూర్తి వివరాలు రావాల్సి ఉందని స్థానికులు తెలిపారు.