తుంగతుర్తి,;తెలంగాణ ఉద్యమంలో విశిష్ట పాత్ర పోషించిన ఉద్యమ వీరుడు, మాజీ శాసనసభ్యుడు పెద్ది సుదర్శన్ రెడ్డి అకాల మరణం బీఆర్ఎస్ పార్టీకి తీరని లోటని బీఆర్ఎస్ మండల అధ్యక్షుడు, మాజీ మండల ప్రజా పరిషత్ అధ్యక్షుడు తాటికొండ సీతయ్య అన్నారు.సోమవారం తుంగతుర్తి పార్టీ కార్యాలయంలో పెద్ది సుదర్శన్ రెడ్డి చిత్రపటానికి పూలమాల వేసి నివాళులర్పించారు. అనంతరం ఆయన కుటుంబ సభ్యులకు ప్రగాఢ సానుభూతి తెలిపారు.ఈ సందర్భంగా తాటికొండ సీతయ్య మాట్లాడుతూ, తెలంగాణ రాష్ట్ర సాధన కోసం పెద్ది సుదర్శన్ రెడ్డి చేసిన ఉద్యమ పోరాటం, ప్రజాసేవ చిరస్మరణీయమని కొనియాడారు. ఆయన ఆశయాలు, ఉద్యమ స్ఫూర్తిని భావితరాలకు చేరవేయడం ప్రతి ఒక్కరి బాధ్యత అని పేర్కొన్నారు.ఈ కార్యక్రమంలో గుండగాని రాములు గౌడ్, దొంగరి శ్రీనివాస్, మేడదుల రమేష్, వెంకటమ్మ కరుణాకర్, వెంకటేష్, వెంకన్న, సాయికిరణ్, ప్రవీణ్ తదితర బీఆర్ఎస్ నాయకులు, కార్యకర్తలు పాల్గొని పెద్ది సుదర్శన్ రెడ్డికి ఘనంగా నివాళులర్పించారు.