చౌటుప్పల్ పురపాలక సంఘం పరిధిలోని 1, 3వ వార్డుల్లో నూతన డ్రైనేజీ నిర్మాణాలు, 19వ వార్డులో డ్రెయిన్ పై స్లాబ్ నిర్మాణ పనులకు మున్సిపల్ చైర్‌పర్సన్ మొగుదాల పావని రమేష్ గౌడ్ సోమవారం భూమి పూజ చేసి ప్రారంభించారు.

​స్థానిక ఎమ్మెల్యే కోమటిరెడ్డి రాజగోపాల్ రెడ్డి ఆదేశాల మేరకు స్థానిక కౌన్సిలర్లు, అధికారులతో కలిసి ఈ పనులను చేపట్టారు. ఈ సందర్భంగా ఆమె మాట్లాడుతూ.. వార్డుల్లోని దీర్ఘకాలిక సమస్యల పరిష్కారానికి, పురపాలక సమగ్ర అభివృద్ధికి పాలకవర్గం ఎల్లప్పుడూ కట్టుబడి ఉంటుందని స్పష్టం చేశారు.

​ఈ కార్యక్రమంలో మున్సిపల్ కమిషనర్ ఎన్. వెంకటేశ్వర నాయక్, వైస్ చైర్మన్ గోషిక వినయ్ కుమార్, కౌన్సిలర్లు పల్లె లావణ్య, రాకేష్ రెడ్డి, మధుసూదన్, చిరంజీవి, స్థానిక నాయకులు, అధికారులు పాల్గొన్నారు.