నారాయణ పాఠశాలలో వైభవంగా 'స్టూడెంట్ క్యాబినెట్' ప్రమాణస్వీకారం

విద్యార్థులు చిన్నతనం నుంచే చదువుతో పాటు నైతిక విలువలు, నాయకత్వ లక్షణాలను పెంపొందించుకోవాలని చౌటుప్పల్ సీఐ మన్మథకుమార్ సూచించారు. స్థానిక నారాయణ హైస్కూల్‌లో సోమవారం 'స్టూడెంట్ క్యాబినెట్ ఇన్స్టాలేషన్ (ప్రమాణస్వీకారం)' కార్యక్రమాన్ని వేడుకగా నిర్వహించారు. ​ఈ కార్యక్రమానికి సీఐ ముఖ్య అతిథిగా హాజరై మాట్లాడారు. పాఠశాల స్థాయిలో లభించే ఇటువంటి అవకాశాలు విద్యార్థుల్లోని నాయకత్వ పరిపక్వతను వెలికితీసేందుకు ఎంతగానో దోహదపడతాయని పేర్కొన్నారు. నేటి యువత క్రమశిక్షణను అలవాటు చేసుకోవాలని, దురలవాట్లకు, మత్తు పదార్థాలకు పూర్తిగా దూరంగా ఉండాలని దిశానిర్దేశం చేశారు. క్రమశిక్షణతో కూడిన చదువే ఉజ్జ్వల భవిష్యత్తుకు బాటలు వేస్తుందని అన్నారు. ​ఈ కార్యక్రమం లో పాఠశాల ఏజీఎం శ్రీనివాసరెడ్డి, ప్రిన్సిపాల్ నవనీత, ఏడీ వెంకన్న, కోఆర్డినేటర్లు రవిశంకర్, సునీత, హర్ష, ఏవో వెంకటేష్, ఉపాధ్యాయులు క్రాంతి, మాధవి, విద్యార్థినీ విద్యార్థులు, తల్లిదండ్రులు పాల్గొన్నారు.