కిరాణా షాపు ముసుగులో దందా

చౌటుప్పల్ మండల పరిధిలోని పెద్దకొండూరు గ్రామంలో అక్రమంగా మద్యం విక్రయిస్తున్న ఒక వ్యక్తిని పోలీసులు బుధవారం పట్టుకున్నారు. ​పోలీసులు తెలిపిన వివరాల ప్రకారం.. పెద్దకొండూరు గ్రామానికి చెందిన కూడబోయిన లాలూ ప్రసాద్ (34) తన కిరాణా షాపులో అక్రమంగా మద్యం సీసాలు ఉంచి విక్రయిస్తున్నట్లు పోలీసులకు నమ్మదగిన సమాచారం అందింది. దీంతో హెడ్ కానిస్టేబుల్ వి.శ్రీనివాస్, ఏఆర్ పీసీ సైదులులు పీఎం 1 విధులు నిర్వర్తిస్తుండగా సదరు కిరాణా షాపుపై ఆకస్మిక తనిఖీలు చేపట్టారు. ​ఈ తనిఖీల్లో అక్రమంగా విక్రయించడానికి ఉంచిన పెద్ద ఎత్తున మద్యం సీసాలను స్వాధీనం చేసుకున్నారు.

​స్వాధీనం చేసుకున్న మద్యం వివరాలు ​కే-కే విస్కీ (180ml) 31, ​ఓసీ విస్కీ (180ml) 05,ఓసీ విస్కీ (90ml)10,​ఇంపీరియల్ బ్లూ (180ml) 11, ​ఇంపీరియల్ బ్లూ (90ml) 08, ​కేఎఫ్ లైట్ బీర్లు (650ml) 15, ​నాకౌట్ బీర్లు (650ml) 06, ​రాయల్ ఛాలెంజర్ బీర్లు (650ml) 04 ​సదరు మద్యం సీసాలను స్వాధీనం చేసుకుని, నిందితుడు కూడబోయిన లాలూ ప్రసాద్‌పై కేసు నమోదు చేసి దర్యాప్తు జరుపుతున్నట్లు చౌటుప్పల్ ఇన్స్పెక్టర్ ఆఫ్ పోలీస్ జి.మన్మథ కుమార్ తెలిపారు.