తుంగతుర్తి;మహాకవి దాశరధి కృష్ణమాచార్య ఆశయాలను ప్రతి ఒక్కరూ ఆచరిస్తూ, ఆయన చూపిన మార్గంలో నడవాలని బీఆర్‌ఎస్ మండల అధ్యక్షులు తాటికొండ సీతయ్య (మాజీ ఎంపీపీ) పిలుపునిచ్చారు. మహాకవి దాశరధి కృష్ణమాచార్య జయంతి సందర్భంగా తుంగతుర్తి మండల పార్టీ కార్యాలయంలో బుధవారం ఘనంగా జయంతి వేడుకలు నిర్వహించారు. ఈ సందర్భంగా దాశరధి చిత్రపటానికి పూలమాలలు వేసి ఘనంగా నివాళులర్పించారు.ఈ సందర్భంగా తాటికొండ సీతయ్య మాట్లాడుతూ, "నా తెలంగాణ కోటి రత్నాల వీణ" అంటూ తెలంగాణ ఆత్మగౌరవాన్ని ప్రపంచానికి చాటిన మహాకవి దాశరధి కృష్ణమాచార్య అన్నారు తెలంగాణ సాయుధ పోరాట యోధుడిగా, ప్రజాకవిగా చిరస్థాయిగా నిలిచిపోయారని అన్నారు. ఆయన సాహిత్యం, భావజాలం నేటి తరానికి స్ఫూర్తిదాయకమని పేర్కొన్నారు.ఈ కార్యక్రమంలో జిల్లా నాయకులు గుండగాని రాములు గౌడ్, మండల నాయకులు గోపగాని రమేష్, నల్లబెల్లి వెంకటేష్, బొంకూరి మల్లేష్, సాయికుమార్, సురేష్, భార్గవ్ తదితరులు పాల్గొన్నారు.