ఆందోల్ నియోజకవర్గంలోని రాయికోడ్ మండలం నాగ్వార్ గ్రామంలో ఎస్‌ఆర్‌కు సంబంధించిన ఫారాల కార్యక్రమాన్ని నిర్వహించారు. ఈ కార్యక్రమంలో జిల్లా గ్రంథాలయ సంస్థ చైర్మన్ జి. అంజయ్య పాల్గొని, ఎస్‌ఆర్‌కు సంబంధించిన ఫారాలు మరియు వాటితో జత చేసిన వివరాలను పరిశీలించారు.ఈ సందర్భంగా ఆయన మాట్లాడుతూ ఎస్‌ఆర్ ప్రక్రియలో భాగంగా అధికారులు, సిబ్బందికి ప్రజలు పూర్తి సహకారం అందించాలని కోరారు.ప్రతి కుటుంబానికి సంబంధించిన వివరాలు సక్రమంగా నమోదు అయ్యేలా అవసరమైన పత్రాలను సమర్పించాలని సూచించారు. ఎలాంటి సందేహాలు ఉన్నా సంబంధిత సిబ్బందిని సంప్రదించి వివరాలను తెలుసుకోవాలని తెలిపారు. ప్రజలు బాధ్యతగా వ్యవహరించి ఈ ప్రక్రియను విజయవంతం చేయాలని అంజయ్య విజ్ఞప్తి చేశారు. కార్యక్రమంలో గ్రామ ప్రజలు, సంబంధిత సిబ్బంది తదితరులు పాల్గొన్నారు.