మునగాల మండల పరిధిలోని రేపాల గ్రామానికి చెందిన ప్రముఖ నాటక రచయిత, కవి కోదాటి లక్ష్మీనర సింహారావు (కె ఎల్ రావు) కళా రంగానికి చేసిన సేవలు చిరస్మరణీయమని రేపాల గ్రామ సర్పంచ్ మొగిలిచర్ల సత్యనారాయణ, మరియు తెలంగాణ నాటక సమాజాల సమైక్య మునగాల మండల అధ్యక్షులు పొనుగోటి రంగా అన్నారు. కేఎల్ రావు 24వ వర్ధంతి సందర్భంగా బుధవారం మునగాల మండల పరిధిలోని రేపాల గ్రామంలో ఆయన కాంస్య విగ్రహానికి పూలమాలలు వేసి ఘనంగా నివాళులర్పించారు. అనంతరం వారు మాట్లాడుతూ.. నాటక రంగంలో ఎన్నో బహుమతులు అందుకొని గ్రామ వెలుగు నాట్యమండలి స్థాపించి ఎందరినో కళాకారులుగా తీర్చిదిద్దిన ఘనత కేఎల్ రావు కే దక్కిందన్నారు. దూరదర్శన్లో ఆర్టిస్టుగా పనిచేసిన కేఎల్ రావు ద్వారా రేపాలకు ఎంతో గుర్తింపు వచ్చిందని కొనియాడారు. ఈ కార్యక్రమంలో కేఎల్ ట్రస్టు మెమోరియల్ అధ్యక్షులు పందిరి పుల్లారెడ్డి, దొడ్డి కొమరయ్య సినీ సహనిర్మాత అంకతి అనసూర్య, గ్రామ వెలుగు నాట్యమండలి ప్రధాన కార్యదర్శి సారిక పెద్దరామయ్య, కళాకారులు గవిని పెదలక్ష్మీనరసింహం, సారిక పెద్ద లింగయ్య, గవిని కోటయ్య, గండు వీరయ్య, గండు సత్యనారాయణ మాస్టర్, గుండు దేవదాసు, జిల్లేపల్లి వీరస్వామి, గండు రవి, గండు స్వామి, రావు జానకమ్మ తదితరులు పాల్గొన్నారు.