హైదరాబాద్‌లోని అంబేద్కర్ భవన్‌లో ఇండియన్ బ్యూటీ అసోసియేషన్ (ఐబీఏ) ఆధ్వర్యంలో నిర్వహించిన త్రిసిటీ ఫ్యాషన్ షో–2026 ఘనంగా జరిగింది. ఈ కార్యక్రమంలో వెస్టీజ్ మార్కెటింగ్ డైరెక్ట్ సెల్లింగ్ సంస్థ తన 400కు పైగా ఆర్గానిక్, ఆరోగ్య, వ్యక్తిగత సంరక్షణ ఉత్పత్తులతో పాల్గొని ప్రత్యేక ఆకర్షణగా నిలిచింది. సినీ ప్రముఖులు, ఫ్యాషన్ రంగ నిపుణులు, బ్యూటీ ప్రొఫెషనల్స్‌తో పాటు వివిధ ప్రాంతాల నుంచి వచ్చిన సందర్శకులు వెస్టీజ్ ఉత్పత్తులను ఆసక్తిగా వీక్షించి వాటి నాణ్యత, ఉపయోగాల గురించి తెలుసుకున్నారు. ఫ్యాషన్, అందం, ఆరోగ్యాన్ని ఒకే వేదికపై ఆవిష్కరించిన ఈ కార్యక్రమంలో వివిధ వయసుల మోడల్స్ ర్యాంప్‌పై ఆకట్టుకునే ప్రదర్శనలు ఇవ్వగా, వెస్టీజ్ వంటి డైరెక్ట్ సెల్లింగ్ సంస్థలు నాణ్యమైన ఉత్పత్తులతో పాటు ఉపాధి, స్వయం ఉపాధి అవకాశాలను కూడా కల్పిస్తూ ప్రజల విశ్వాసాన్ని పొందుతున్నాయని అతిథులు పేర్కొన్నారు. కార్యక్రమం ఆద్యంతం ఉత్సాహభరితంగా సాగి అందరినీ విశేషంగా ఆకట్టుకుంది.