యాదాద్రి భువనగిరి జిల్లా రామన్నపేట మండలం బోగారం గ్రామానికి చెందిన మేడి మంజుల ఇటీవల అనారోగ్యంతో మృతి చెందారు. ఈ నేపథ్యంలో ఆమె భర్త మేడి శ్రీరాములు (డ్రైవర్)తో పాటు కుటుంబ సభ్యులను గ్రామ సర్పంచ్ కూనూరు సాయికుమార్ గౌడ్ పరామర్శించారు.

ఈ సందర్భంగా మంజుల కుటుంబానికి ప్రగాఢ సానుభూతి తెలియజేసిన సర్పంచ్, వెంటనే స్పందించి రూ.5,000 ఆర్థిక సహాయాన్ని అందజేశారు. కుటుంబానికి భవిష్యత్తులో ఎలాంటి అవసరం వచ్చినా తమ వంతు అండగా ఉంటామని భరోసా ఇచ్చారు.

ఈ కార్యక్రమంలో ఉప సర్పంచ్ బైకాని ఉమామహేష్ యాదవ్, 5వ వార్డు సభ్యురాలు నేరటి మానస సురేష్ యాదవ్, 6వ వార్డు సభ్యురాలు కడారి పావని పాపయ్య, గ్రామ పెద్దలు, యువకులు, గ్రామస్తులు పాల్గొన్నారు.