హైదరాబాద్-హన్మకొండ జాతీయ రహదారిని100 అడుగుల వెడల్పుతో

40 ఫీట్ల రోడ్డుతో చౌరస్తా మధ్యలో డాక్టర్ బి.ఆర్ అంబేద్కర్ విగ్రహాన్ని ప్రతిష్టించాలి...

- జిల్లా కలెక్టర్ కి వినతి పత్రం అందజేత...

భువనగిరి పట్టణంలోని డాక్టర్ బి.ఆర్. అంబేద్కర్ చౌరస్తా నడిబొడ్డున డాక్టర్ బి.ఆర్.అంబేద్కర్ విగ్రహాన్ని ప్రతిష్ఠించాలని కోరుతూ యాదాద్రి భువనగిరి జిల్లా కలెక్టర్‌కు సోమవారం వినతిపత్రం అందజేశారు. ఈ సందర్భంగా నాయకులు మాట్లాడుతూ, భువనగిరి పట్టణ అభివృద్ధిలో భాగంగా ప్రధాన రహదారి విస్తరణకు రాష్ట్ర ప్రభుత్వం గతంలో రూ.29 కోట్ల నిధులను మంజూరు చేసి,అంబేద్కర్ చౌరస్తా వద్ద మధ్యలో 72 అడుగుల వైశాల్యంలో ఆధునిక జంక్షన్ నిర్మాణానికి ప్రణాళిక సిద్ధం చేసిందని గుర్తు చేశారు. గతంలో 40 అడుగుల వెడల్పు ఉన్న హైదరాబాద్-హన్మకొండ జాతీయ రహదారిని100 అడుగుల వెడల్పుతో అభివృద్ధి చేసిన నేపథ్యంలో, అంబేద్కర్ చౌరస్తాను పట్టణానికి ప్రత్యేక ఆకర్షణగా తీర్చిదిద్దాలని ప్రభుత్వం నిర్ణయించిందన్నారు. ప్రణాళిక ప్రకారం వాటర్ ఫౌంటెన్,ఆధునిక లైటింగ్, సుందరీకరణ,గార్డెనింగ్‌తో పాటు డాక్టర్ బి.ఆర్.అంబేద్కర్ విగ్రహాన్ని ఏర్పాటు చేయాల్సి ఉన్నప్పటికీ,సంబంధిత అధికారుల నిర్లక్ష్యం కారణంగా ఇప్పటివరకు పనులు పూర్తి కాలేదని ఆవేదన వ్యక్తం చేశారు. అంబేద్కర్ చౌరస్తా నిర్మాణంలో మిగిలి ఉన్న స్ట్రామ్ డ్రైనేజీ పనులను వెంటనే పూర్తి చేసి, ఆధునిక సౌకర్యాలతో కూడిన అంబేద్కర్ జంక్షన్‌ను నిర్మించడంతో పాటు,చౌరస్తా నడిబొడ్డున డాక్టర్ బి.ఆర్.అంబేద్కర్ విగ్రహాన్ని ప్రతిష్ఠించాలని కలెక్టర్‌ను కోరారు. కలెక్టర్‌ను కలిసిన వారిలో డీవీఎంసీ విజిలెన్స్ మానిటరింగ్ కమిటీ సభ్యుడు, అంబేద్కర్-జగ్జీవన్ ఆశయ సాధన కమిటీ నాయకుడు బర్రె సుదర్శన్,బండారు రవివర్ధన్,ఇటుకల దేవేందర్,సురుపంగా చందు తదితరులు పాల్గొన్నారు.