మన్సూరాబాద్, ఆగస్టు 4: మన్సూరాబాద్ డివిజన్ విజయశ్రీ కాలనీలో నూతనంగా ఏర్పాటు చేసిన భీఆర్ఎస్ పార్టీ కార్యాలయాన్ని ఎల్‌బీ నగర్ ఎమ్మెల్యే దేవిరెడ్డి సుధీర్ రెడ్డి ప్రారంభించారు. అనంతరం డివిజన్ యువ నాయకుడు జక్కిడి రఘువీర్ రెడ్డి జన్మదిన వేడుకల్లో పాల్గొని కేక్ కట్ చేయించి శుభాకాంక్షలు తెలిపారు.

ఈ సందర్భంగా ఎమ్మెల్యే మాట్లాడుతూ పార్టీ బలోపేతంలో యువత కీలక పాత్ర పోషించాలని, ప్రజలకు మరింత చేరువయ్యేలా పనిచేయాలని సూచించారు. కార్యక్రమంలో భీఆర్ఎస్ సీనియర్ నాయకులు, ఉద్యమకారులు, కార్యకర్తలు, అభిమానులు, స్థానిక ప్రజలు పెద్ద సంఖ్యలో పాల్గొన్నారు.