నాయకుల నమ్మకాన్ని నిలబెట్టుకుంటా: శ్రవణ్

చౌటుప్పల్ మండల కాంగ్రెస్ పార్టీ అధికార ప్రతినిధిగా పీపల్‌పహాడ్ గ్రామ ఉపసర్పంచ్ బకనగారి శ్రవణ్ కుమార్ గౌడ్ ఎన్నికయ్యారు. పార్టీ బలోపేతానికి ఆయన అందిస్తున్న సేవలను గుర్తించిన పార్టీ అధిష్టానం ఈ బాధ్యతలను అప్పగించింది.​తనపై నమ్మకంతో మండల అధికార ప్రతినిధి బాధ్యతలు అప్పగించిన మునుగోడు ఎమ్మెల్యే కోమటిరెడ్డి రాజగోపాల్ రెడ్డికి శ్రవణ్ కుమార్ గౌడ్ హృదయపూర్వక ధన్యవాదాలు తెలిపారు. పార్టీ సిద్ధాంతాలను, ప్రభుత్వ సంక్షేమ పథకాలను ప్రజల్లోకి తీసుకెళ్లడంలో ముందుంటానని పేర్కొన్నారు.​తన ఎన్నికకు సహకరించిన మునుగోడు, చౌటుప్పల్ మండల కాంగ్రెస్ నాయకులకు, పీపల్‌పహాడ్ గ్రామ సర్పంచ్ పులనాగారి నాగేశ్వరి అశ్విన్ కుమార్ గౌడ్ కు ఆయన ప్రత్యేక కృతజ్ఞతలు తెలియజేశారు. తన పదవి ద్వారా పార్టీ బలోపేతానికి, నియోజకవర్గ అభివృద్ధికి శాయశక్తులా కృషి చేస్తానని ఈ సందర్భంగా ఆయన స్పష్టం చేశారు.