సర్వోత్తమ్ రెడ్డి రాజకీయ అడుగులు ఎటువైపు?

నల్లగొండ–ఖమ్మం–వరంగల్ పట్టభద్రుల ఎమ్మెల్సీ స్థానానికి కాంగ్రెస్ అభ్యర్థిగా రాంరెడ్డి సర్వోత్తమ్ రెడ్డిని పార్టీ అధిష్ఠానం ప్రకటించిన విషయం తెలిసిందే. అయితే ఎమ్మెల్సీ ఎన్నికల్లో పోటీ చేయడంపై ఆయన అసంతృప్తితో ఉన్నట్లు రాజకీయ వర్గాల్లో చర్చ జరుగుతోంది. ముందస్తు సంప్రదింపులు లేకుండానే తన పేరును అభ్యర్థిగా ప్రకటించడంపై ఆయన అసంతృప్తి వ్యక్తం చేసినట్లు ప్రచారం సాగుతోంది.

మరోవైపు భవిష్యత్‌లో సూర్యాపేట అసెంబ్లీ స్థానం నుంచి పోటీ చేయాలనే ఆసక్తిని సర్వోత్తమ్ రెడ్డి పార్టీ ముఖ్య నేతల వద్ద వ్యక్తం చేస్తున్నట్లు సమాచారం. ఈ క్రమంలోనే పార్టీ పెద్దలను ఆయన కలుస్తున్నట్లు రాజకీయ వర్గాల్లో చర్చ జరుగుతోంది. అయితే ఎమ్మెల్సీ అభ్యర్థిత్వంపై ఆయన నుంచి ఇప్పటివరకు ఎలాంటి అధికారిక ప్రకటన వెలువడలేదు.