తల్లుల ఆటపాటలతో సందడి.. ఇద్దరికి చీరల బహూకరణ.

రామన్నపేట అక్టోబర్ 9 స్థానికం ప్రతినిధి :

రామన్నపేట మండలంలోని కక్కిరేణి ప్రాథమిక పాఠశాలలో శుక్రవారం బతుకమ్మ వేడుకలను ఘనంగా నిర్వహించారు. తల్లిదండ్రుల కమిటీ, ఉపాధ్యాయుల ఆధ్వర్యంలో జరిగిన వేడుకల్లో విద్యార్థుల తల్లులు పెద్ద సంఖ్యలో పాల్గొని ఆటపాటలతో సందడి చేశారు. బతుకమ్మ పాటలు, కేరింతలతో పాఠశాల ప్రాంగణం కళకళలాడింది.ఈ సందర్భంగా ప్రధానోపాధ్యాయుడు బి. ఉపేందర్‌ మాట్లాడుతూ విద్యార్థులకు తెలంగాణ సంస్కృతి, సంప్రదాయాలపై అవగాహన కల్పించడంతోపాటు పాఠశాల అభివృద్ధిలో తల్లిదండ్రుల భాగస్వామ్యం కీలకమన్నారు. జేపీ మీడియా సహకారంతో నిర్వహించిన లక్కీ డ్రాలో ఇద్దరు విద్యార్థుల తల్లులకు చీరలు అందజేశారు.కార్యక్రమంలో సర్పంచ్‌ చిల్ల మధురవేణి సురేష్‌, ఏఏపీసీ చైర్మన్‌ చిల్ల ప్రేమలత మురళీకృష్ణ, ఉపసర్పంచ్‌ నడిగోటి పాండు, గ్రామ పెద్దలు, ఉపాధ్యాయులు, గ్రామస్తులు పాల్గొన్నారు.