భువనగిరి, అక్టోబర్‌ 9: భువనగిరి పట్టణంలోని ఆర్‌బీ నగర్‌ దేదీప్య హైస్కూల్‌లో బతుకమ్మ సంబరాలను ఘనంగా నిర్వహించారు. విద్యార్థులు రంగురంగుల పూలతో బతుకమ్మలను అలంకరించి, సంప్రదాయ పాటలతో సందడి చేశారు. తెలంగాణ సంస్కృతి, సంప్రదాయాల విశిష్టతను ఉపాధ్యాయులు విద్యార్థులకు వివరించారు.

ఈ కార్యక్రమంలో పాఠశాల కరస్పాండెంట్‌, ప్రిన్సిపాల్‌ టి. శేషగిరిరావు, వైస్‌ ప్రిన్సిపాల్‌ రూప, డైరెక్టర్లు రంగారావు, రమ్యతో పాటు ఉపాధ్యాయులు, విద్యార్థులు పాల్గొన్నారు. ఇలాంటి సాంస్కృతిక కార్యక్రమాలు విద్యార్థుల్లో సంప్రదాయాల పట్ల గౌరవం, ఐక్యతాభావాన్ని పెంపొందిస్తాయని పాఠశాల యాజమాన్యం పేర్కొంది.