ఎమ్మెల్యే కోమటిరెడ్డి రాజగోపాల్ రెడ్డి సిఫారసు మేరకు కమిటీ ఖరారు

ఆమోదం తెలిపిన డీసీసీ అధ్యక్షులు, ఎమ్మెల్యే బీర్ల ఐలయ్య

మునుగోడు శాసనసభ్యులు కోమటిరెడ్డి రాజగోపాల్ రెడ్డి సిఫారసు మేరకు చౌటుప్పల్ మున్సిపాలిటీ కాంగ్రెస్ పూర్తి స్థాయి నూతన కార్యవర్గాన్ని ప్రకటించారు. జిల్లా కాంగ్రెస్ కమిటీ అధ్యక్షులు, ఆలేరు శాసనసభ్యులు బీర్ల ఐలయ్య ఈ కమిటీని ఆమోదించారు. ఈ సందర్భంగా మున్సిపల్ కాంగ్రెస్ కమిటీ ఏర్పాటుకు సహకరించిన ఎమ్మెల్యే కోమటిరెడ్డి రాజగోపాల్ రెడ్డికి నూతన కార్యవర్గ సభ్యులు ప్రత్యేక ధన్యవాదాలు తెలిపారు. ​చౌటుప్పల్ పట్టణంలోని ఎమ్మెల్యే క్యాంపు కార్యాలయంలో మున్సిపాలిటీ నూతన కార్యవర్గ తొలి సమావేశం మున్సిపల్ అధ్యక్షుడు కాసర్ల శ్రీనివాసరెడ్డి అధ్యక్షతన ఘనంగా నిర్వహించారు. ఈ సమావేశంలో నూతన కార్యవర్గ బాధ్యతలు, భవిష్యత్ కార్యాచరణపై చర్చించారు. ​అధ్యక్షులు కాసర్ల శ్రీనివాసరెడ్డి, ​జనరల్ సెక్రెటరీలు ఇప్ప వెంకటేష్, ఎర్రగోని లింగస్వామి,​ఉపాధ్యక్షులు అంతటి విజయలక్ష్మి బాలరాజు, బండమీది మల్లేష్, సయ్యద్ వాయుద్దీన్, చెరుకు లింగస్వామి, వర్కాల వెంకట్ కుమార్, ​స్పోక్స్ పర్సన్ సామకూర యాదయ్య,​సెక్రెటరీలు గుండెబోయిన మనిత ఐలయ్య యాదవ్, ఓర్సు శ్రీజా రాజు, మహమ్మద్ ఫిరోజ్, మట్టుపల్లి యాదగిరి, మాదాని గోపాల్, దోమటి దయాకర్ రెడ్డి, బత్తుల రాజు, జక్కర్తి సుధా, పేరుపల్లి సుమతి తదితరులు పాల్గొన్నారు.