తెలంగాణ జర్నలిస్టుల జాయింట్ యాక్షన్ కమిటీ (టీజేజేఏసీ) యాదాద్రి భువనగిరి జిల్లా సహాయ కార్యదర్శిగా రామన్నపేటకు చెందిన అక్షిత న్యూస్ కరస్పాండెంట్ సిర మహేష్ నియమితులయ్యారు. రాష్ట్ర అధ్యక్షుడు తొగరి కరుణాకర్ ఆదేశాల మేరకు రాష్ట్ర ప్రధాన కార్యదర్శి బత్తుల గణేష్ నియామక ఉత్తర్వులు జారీ చేసినట్లు రాష్ట్ర ఆర్గనైజింగ్ సెక్రటరీ బుంగ చాందిని తెలిపారు.

నూతనంగా నియమితులైన సిర మహేష్ జేఏసీ నియమ నిబంధనలకు అనుగుణంగా క్రమశిక్షణతో పనిచేస్తూ, సంస్థ చేపట్టే కార్యక్రమాలను విజయవంతం చేయాలని సూచించారు.

ఈ సందర్భంగా సిర మహేష్ మాట్లాడుతూ.. జర్నలిస్టుల సంక్షేమం, హక్కుల పరిరక్షణ, సమస్యల పరిష్కారం కోసం కృషి చేస్తానన్నారు. యూనియన్లు, ప్రెస్‌క్లబ్‌లు, అసోసియేషన్లతో పాటు అన్ని వర్గాల జర్నలిస్టులను సమన్వయం చేసుకుంటూ జేఏసీ ఆశయాల సాధనకు తనవంతు కృషి చేస్తానని తెలిపారు. తన నియామకానికి సహకరించిన జర్నలిస్టు మిత్రులందరికీ కృతజ్ఞతలు తెలిపారు.