ఎల్బీనగర్‌, అక్టోబర్‌ 10: ఎన్నో ఏళ్లుగా 18 కాలనీల ప్రజలు ఎదుర్కొంటున్న డంపింగ్‌ యార్డ్‌ సమస్యకు తాత్కాలిక చర్యలతో కాకుండా శాశ్వత పరిష్కారం చూపాలని టీపీసీసీ ప్రధాన కార్యదర్శి పృథ్వీ చౌదరి అన్నారు. ఈ సమస్యను ముఖ్యమంత్రి రేవంత్‌రెడ్డి, ఇన్‌చార్జి మంత్రి పొన్నం ప్రభాకర్‌, ఇన్‌చార్జి మధుయాష్కీ దృష్టికి తీసుకెళ్లి పరిష్కారానికి కృషి చేస్తామని తెలిపారు.
డంపింగ్‌ యార్డ్‌ సమస్య పరిష్కారానికి 18 కాలనీల ప్రజలు, కాలనీ అసోసియేషన్‌ సభ్యులతో పాటు పట్టణాభివృద్ధి, శానిటేషన్‌, జీహెచ్‌ఎంసీ, పారిశ్రామిక, పోలీస్‌ శాఖలు సమన్వయంతో పనిచేయాలని పిలుపునిచ్చారు. గ్రీన్‌ బెల్ట్‌ అభివృద్ధి, ఇండోర్‌ డంపింగ్‌ పనులను తక్షణమే వేగవంతం చేయాలని కోరారు. నిర్లక్ష్యం కొనసాగితే ప్రభుత్వ దృష్టికి తీసుకెళ్లి బాధ్యులపై చర్యలు తీసుకునేలా కృషి చేస్తామని స్పష్టం చేశారు. 18 కాలనీల ప్రజల ఐక్యతతోనే సమస్యకు శాశ్వత పరిష్కారం సాధ్యమవుతుందని పేర్కొన్నారు.
ఈ కార్యక్రమంలో మన్సూరాబాద్‌ డివిజన్‌ కాంగ్రెస్‌ నాయకులు సురేష్‌ యాదవ్‌, బాలకృష్ణ, ధర్మి, వివిధ కాలనీల అసోసియేషన్‌ సభ్యులు పాల్గొన్నారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్‌ను పోస్ట్ చేయండి