కాంగ్రెస్ పార్టీ కార్యదర్శి గోలి నరేష్ రజక ఖండన.

చిట్యాల: ఢిల్లీలోని జంతర్‌మంతర్‌ వద్ద శాంతియుతంగా నిరసన తెలుపుతున్న కాంగ్రెస్ నేతలు రాహుల్ గాంధీ, ప్రియాంక గాంధీతో పాటు ఇండియా కూటమి ఎంపీలను పోలీసులు అరెస్టు చేయడాన్ని కాంగ్రెస్ పార్టీ కార్యదర్శి గోలి నరేష్ రజక తీవ్రంగా ఖండించారు. శనివారం ఆయన మాట్లాడుతూ.. నిరసన తెలుపుతున్న నేతలను అరెస్టు చేయడం దారుణమని, ప్రజాస్వామ్య హక్కులను కాపాడాలని డిమాండ్ చేశారు.ఎస్‌ఐఆర్‌ ప్రక్రియను తక్షణమే రద్దు చేయాలని, రాజ్యాంగ వ్యవస్థలను నిర్వీర్యం చేస్తున్నారని తాము భావిస్తున్న ప్రధాని నరేంద్ర మోదీ, కేంద్ర హోంమంత్రి అమిత్‌ షా విధానాలకు వ్యతిరేకంగా పోరాటం కొనసాగిస్తామని పేర్కొన్నారు. ప్రజాస్వామ్య విలువలను పరిరక్షించేందుకు కాంగ్రెస్ పార్టీ పోరాడుతుందని గోలి నరేష్ తెలిపారు.