నారాయణఖేడ్ నియోజకవర్గం మానూర్ మండలం తుమ్నూర్ గ్రామంలో జాతీయ పంచాయతీ రాజ్ దినోత్సవం సందర్భంగా గ్రామ పంచాయతీ కార్యాలయంలో అవగాహన కార్యక్రమం నిర్వహించారు. జిల్లా కలెక్టర్ ఆదేశాల మేరకు జరిగిన ఈ సమావేశానికి గ్రామ సర్పంచ్ సంజీవ్ అధ్యక్షత వహించారు. ఈ సందర్భంగా గ్రామ సభల ప్రాధాన్యత, ప్రజల భాగస్వామ్యం, గ్రామ అభివృద్ధి, ప్రభుత్వ పథకాల అమలు, పారదర్శకత వంటి అంశాలపై గ్రామస్థులకు వివరించారు. గ్రామ అభివృద్ధిలో ప్రతి ఒక్కరూ చురుకుగా పాల్గొనాలని పిలుపునిచ్చారు. ఈ కార్యక్రమంలో ఉపసర్పంచ్, వార్డు సభ్యులు, గ్రామ పంచాయతీ కార్యదర్శి, గ్రామ పెద్దలు, యువత, గ్రామస్తులు పాల్గొన్నారు.