తెలుగు జర్నలిస్ట్ వెల్ఫేర్ అసోసియేషన్ (TJWA) జాతీయ అధ్యక్షులు శెట్టి అశోక్, జాతీయ ప్రధాన కార్యదర్శి శెట్టి వెంకటేష్ ఆదేశాల మేరకు గురువారం జోగిపేటలో రాష్ట్ర ఉపాధ్యక్షుడు బైండ్ల కృష్ణ, రాష్ట్ర సహాయ కార్యదర్శి మన్నే పోచయ్య ఆధ్వర్యంలో సమావేశం నిర్వహించారు. ఈ కార్యక్రమానికి జాతీయ సంయుక్త కార్యదర్శి తమ్మాలి సంగమేశ్వర్, జాతీయ ప్రచార కార్యదర్శి కర్చల సంగమేశ్వర్ ముఖ్య అతిథులుగా హాజరయ్యారు. ఈ సందర్భంగా మెదక్ జిల్లా నర్సాపూర్ ప్రాంతానికి చెందిన వినోద్ కుమార్‌ను మెదక్ జిల్లా ఉపాధ్యక్షుడిగా నియమించగా, జోగిపేట ఎస్సై గిరి శ్రీకాంత్ చేతుల మీదుగా నూతనంగా నియమితులైన మెదక్ జిల్లా వైస్ ప్రెసిడెంట్ గా వినోద్ కుమార్ కు నియామక పత్రాలను అందజేసి అభినందించారు. జర్నలిస్టుల హక్కుల పరిరక్షణ, సంక్షేమం కోసం సంఘాన్ని రాష్ట్రవ్యాప్తంగా మరింత బలోపేతం చేస్తూ అందరూ ఐక్యంగా పనిచేయాలని ఆయన సూచించారు. నూతన పదాధికారులు తమపై ఉంచిన నమ్మకానికి జాతీయ, రాష్ట్ర కమిటీలకు కృతజ్ఞతలు తెలుపుతూ, జర్నలిస్టుల సమస్యల పరిష్కారం కోసం నిబద్ధతతో సేవలందిస్తామని తెలిపారు.