జహీరాబాద్ పట్టణ సర్కిల్ ఇన్స్పెక్టర్‌గా ఆర్. రవి గురువారం బాధ్యతలు స్వీకరించారు. ఇక్కడ సీఐగా పనిచేస్తున్న ఎస్. శివలింగం మల్టీ జోన్–IIకు బదిలీ కావడంతో ఆయన స్థానంలో ఆర్. రవి బాధ్యతలు చేపట్టారు. ఈ సందర్భంగా ఆయన మాట్లాడుతూ, పట్టణంలో శాంతిభద్రతల పరిరక్షణకు అత్యంత ప్రాధాన్యం ఇస్తామని తెలిపారు. జూదం, అక్రమ మద్యం విక్రయాలు, ఇతర అసాంఘిక కార్యకలాపాలపై ప్రత్యేక దృష్టి సారించి కఠిన చర్యలు తీసుకుంటామని, నేరాలను అదుపులో ఉంచేందుకు పోలీసు శాఖ సమర్థవంతంగా పనిచేస్తుందని చెప్పారు. ప్రజలు కూడా పోలీసులకు సహకరించి శాంతియుత వాతావరణం నెలకొల్పేందుకు తమ వంతు బాధ్యత నిర్వర్తించాలని ఆయన కోరారు.