సూర్యాపేట జిల్లాతిరుమలగిరి మండల కేంద్రంలోమోడ్రన్ కబడ్డీసూర్యాపేట జిల్లా అసోసియేషన్ ప్రధాన కార్యదర్శి మోర్తాల నాగిరెడ్డి ఆధ్వర్యంలో ఆదివారం మండల మోడ్రన్ కబడ్డీ నూతన కమిటీని ఎన్నుకున్నారు.

ఈ ఎన్నికల్లో మండల అధ్యక్షునిగా భూమా అంజనేయులు, ప్రధాన కార్యదర్శిగా నిమ్మనగోటి గణేష్, కోశాధికారిగా భూక్య సుమన్, ఉపాధ్యక్షునిగా పులిమామిడి గణేష్ ఏకగ్రీవంగా ఎన్నికయ్యారు.

ఈ సందర్భంగా నూతన కమిటీ సభ్యులు మాట్లాడుతూ.... తిరుమలగిరి మండలంలో కబడ్డీ క్రీడాభివృద్ధికి కృషి చేస్తామని, గ్రామీణ ప్రాంతాల్లోని యువతకు కబడ్డీపై ఆసక్తి పెంపొందించేందుకు ప్రత్యేక కార్యక్రమాలు నిర్వహిస్తామని తెలిపారు.

ఈ కార్యక్రమంలో పీడీ అంబేద్కర్, క్రీడాకారులు లోకేష్, ఓంకార్, విష్ణు, సచిన్ పాల్గొని నూతన కమిటీ సభ్యులకు శుభాకాంక్షలు తెలియజేశారు.

ఈ సందర్భంగా జిల్లా ప్రధాన కార్యదర్శి మోర్తాల నాగిరెడ్డి నూతన కమిటీ సభ్యులను అభినందిస్తూ, జిల్లాలో కబడ్డీ క్రీడాభివృద్ధికి అందరూ సమిష్టిగా కృషి చేయాలని పిలుపునిచ్చారు.