​• తుంగతుర్తి ఎమ్మెల్యే సామెల్‌పై టీపీసీసీ నేత తీవ్ర ఆగ్రహం మునుగోడు ఎమ్మెల్యే కోమటిరెడ్డి రాజగోపాల్‌రెడ్డిపై అవాకులు చవాకులు పేలితే ఊరుకునేది లేదని టీపీసీసీ జవహర్ బాల్ మంచ్ రాష్ట్ర కోఆర్డినేటర్ పెద్దగోని రమేష్‌గౌడ్ హెచ్చరించారు. ఉద్యమకారుడినని చెప్పుకునే తుంగతుర్తి ఎమ్మెల్యే సామెల్ ప్రవర్తన సరిగా లేకపోవడం వల్లే గతంలో కేసీఆర్ ఆయనను పక్కనపెట్టారని వ్యాఖ్యానించారు.​రాజగోపాల్‌రెడ్డి సాయంతోనే తనకు టికెట్ వచ్చిందని గతంలో మీడియా ముందే చెప్పిన సామెల్, ఇప్పుడు ఆయనపైనే ఆరోపణలు చేయడం విడ్డూరమన్నారు. ఈ విషయమై యాదాద్రి లక్ష్మీనరసింహస్వామి, రేణుక ఎల్లమ్మ సమక్షంలో ప్రమాణానికి సిద్ధమా అని సవాల్ విసిరారు. తుంగతుర్తిలో సామెల్ సాగిస్తున్న అక్రమ వసూళ్లు అందరికీ తెలుసని, ధైర్యముంటే పదవికి రాజీనామా చేసి మళ్లీ గెలిచి చూపాలని సవాల్ చేశారు. రాజగోపాల్‌రెడ్డి జోలికొస్తే తీవ్ర పరిణామాలు ఉంటాయని హెచ్చరించారు.