ప్రైవేటు స్కూళ్లకు కొమ్ముకాస్తున్న ఎంఈఓను సస్పెండ్ చేయాలి

నిబంధనలకు విరుద్ధంగా పాఠ్యపుస్తకాలు, యూనిఫాంలు విక్రయిస్తున్న ట్రినిటీ పాఠశాల గుర్తింపును రద్దు చేయాలని డిమాండ్ చేస్తూ బుధవారం ఎస్ఎఫ్‌ఐ ఆధ్వర్యంలో పాఠశాల ఎదుట ధర్నా నిర్వహించారు. ఈ సందర్భంగా ఎస్ఎఫ్‌ఐ మండల అధ్యక్షుడు దాసరి ప్రకాష్, కార్యదర్శి తిగుళ్ళ శ్రీనివాస్ మాట్లాడుతూ.. స్టేషనరీ పేరుతో ప్రైవేట్ విద్యాసంస్థలు తల్లిదండ్రుల నుండి రూ.15 వేల నుండి రూ.35 వేల వరకు వసూలు చేస్తూ దోపిడీకి పాల్పడుతున్నాయని మండిపడ్డారు. ఈ అక్రమ వ్యాపారాన్ని అడ్డుకున్న విద్యార్థి నాయకులపై పోలీసులు దాడి చేయడం సరికాదన్నారు. ప్రైవేట్ స్కూళ్లకు కొమ్ముకాస్తున్న మండల విద్యాధికారి ని తక్షణమే సస్పెండ్ చేయాలని, లేనిపక్షంలో విద్యాశాఖ కార్యాలయాలను ముట్టడిస్తామని హెచ్చరించారు. ఈ కార్యక్రమంలో మండల సహాయ కార్యదర్శి సాతిరి మనోజ్, మండల ఉపాధ్యక్షులు ఇరిగి వరుణ్, మండల నాయకులు సాయి, గణేష్, సాయి, నాని తదితరులు పాల్గొన్నారు.