ఆంధ్రప్రదేశ్ ఉప ముఖ్యమంత్రి కొణిదెల పవన్ కళ్యాణ్ హైదరాబాద్ పర్యటన ముగించుకుని రహదారి మార్గంలో విజయవాడకు వెళ్తూ సూర్యాపేటలో కాసేపు ఆగారు. ఆయన ప్రయాణిస్తున్న విషయం తెలుసుకున్న అభిమానులు అంజనపురి కూడలి వద్ద భారీగా చేరుకున్నారు.

అభిమానుల సందడి, జైకొట్టే నినాదాలతో ఆ ప్రాంతం కిక్కిరిసిపోయింది. అభిమానుల ప్రేమాభిమానాలను గమనించిన పవన్ కళ్యాణ్ తన వాహనాల బృందాన్ని ఆపించి అభిమానులకు అభివాదం చేశారు. ఆయనను చూసేందుకు పెద్ద సంఖ్యలో ప్రజలు తరలివచ్చారు. అనంతరం అభిమానులకు చేతులు ఊపుతూ విజయవాడ వైపు బయలుదేరి వెళ్లారు.