చిట్యాల: మున్సిపాలిటీ పరిధిలోని రెండో వార్డులో ఏర్పాటు చేసిన వినాయకుడి విగ్రహం వద్ద సోమవారం ప్రత్యేక పూజా కార్యక్రమాన్ని భక్తిశ్రద్ధలతో నిర్వహించారు. ఈ కార్యక్రమానికి రెండో వార్డు కౌన్సిలర్ షేక్ షబానా అజీమ్ హాజరై గణనాథుడికి ప్రత్యేక పూజలు నిర్వహించారు.

ఈ సందర్భంగా వార్డు ప్రజలు సుఖసంతోషాలతో ఉండాలని, విఘ్నాలు తొలగి సర్వత్రా శుభాలు కలగాలని ఆమె ఆకాంక్షించారు. కార్యక్రమంలో కాలనీవాసులు, మహిళలు, గణేష్ ఉత్సవ కమిటీ సభ్యులు, భక్తులు పాల్గొన్నారు.