చిట్యాల: చిట్యాల మున్సిపల్‌ పరిధిలోని పి.జి. యూత్‌ ఆధ్వర్యంలో ఏర్పాటు చేసిన వినాయకుడికి సోమవారం మాజీ మున్సిపల్‌ చైర్మన్‌ కోమటిరెడ్డి చిన్న వెంకటరెడ్డి ప్రత్యేక పూజలు నిర్వహించారు. ఈ సందర్భంగా గణనాథుడిని దర్శించుకుని భక్తిశ్రద్ధలతో పూజా కార్యక్రమంలో పాల్గొన్నారు.ప్రజలందరూ సుఖసంతోషాలతో ఉండాలని, విఘ్నాలు తొలగి అభివృద్ధి, శాంతి నెలకొనాలని ఆయన ఆకాంక్షించారు. కార్యక్రమంలో 3వవార్డ్ కౌన్సిలర్ గాలి యాదమ్మ లింగయ్య, కోమటిరెడ్డి అమరేందర్‌రెడ్డి, గంట శ్రీనివాస్‌రెడ్డి, పి.జి. యూత్‌ సభ్యులు పాల్గొన్నారు.