హైదరాబాద్‌: ఒక్క క్లిక్‌తో 80s రెట్రో లుక్‌.. సోషల్‌ మీడియాలో ఫుల్‌ క్రేజ్‌! కానీ ఈ అందమైన AI ఫొటోల వెనుక పర్యావరణానికి భారీ మూల్యం చెల్లించాల్సి వస్తోందా? సరదా కోసం క్రియేట్‌ చేస్తున్న ఒక్కో ఏఐ చిత్రం వెనుక భారీగా విద్యుత్‌, నీటి వినియోగం జరుగుతోందని పరిశోధనలు హెచ్చరిస్తున్నాయి. ఏఐ మోడళ్లను నడిపేందుకు విద్యుత్‌ భారీగా ఖర్చవుతుండగా.. డేటా సెంటర్ల సర్వర్లను చల్లబరిచేందుకు గణనీయమైన నీటిని వినియోగిస్తున్నారు.

అంతేకాకుండా ఏఐ సేవలకు అవసరమైన అధునాతన హార్డ్‌వేర్‌ తయారీ కోసం ఖనిజాల తవ్వకం పెరగడం కూడా పర్యావరణంపై ప్రభావం చూపుతోందని నిపుణులు చెబుతున్నారు. దీంతో సోషల్‌ మీడియాలో ట్రెండ్‌ అవుతున్న 80s AI ఫొటోలతో పాటు వాటి వెనుక దాగి ఉన్న పర్యావరణ వ్యయంపైనా చర్చ మొదలైంది.