కోదాడకు చెందిన సూక్ష్మ కళాకారుడు నరేష్ చారి తన కళా నైపుణ్యాన్ని మరోసారి చాటుకున్నారు. వినాయక చవితిని పురస్కరించుకొని కేవలం అంగుళం పరిమాణం గల సుద్ద ముక్కపై, పెన్సిల్ మొనపై గణేష్ మహారాజ్ ప్రతిమలను అత్యంత నైపుణ్యంతో చెక్కారు. అతి చిన్న పరిమాణంలో స్పష్టమైన ఆకృతితో ప్రతిమను తీర్చిదిద్దడం పలువురిని ఆకట్టుకుంది. గతంలో బియ్యం, పప్పు, చింతగింజలు, ఆకులు తదితర సూక్ష్మ వస్తువులపై కళాఖండాలను రూపొందించారు.