నకిరేకల్: ఉపాధ్యాయులు సమాజ మనుగడకు తోడ్పడుతూ, విద్యార్థుల ఉజ్వల భవిష్యత్తు కోసం నిరంతరం కృషి చేయాలని గౌరవ విప్, నకిరేకల్ ఎమ్మెల్యే శ్రీ వేముల వీరేశం అన్నారు. 80 వసంతాలు పూర్తి చేసుకున్న ఎస్‌టీయూ-టీఎస్ వైభవోత్సవాలకు సంబంధించిన పోస్టర్‌ను సోమవారం ఎమ్మెల్యే వేముల వీరేశం ఆవిష్కరించారు.

ఈ సందర్భంగా ఆయన మాట్లాడుతూ.. విద్యార్థులకు నాణ్యమైన విద్యను అందించడంలో ఉపాధ్యాయుల పాత్ర ఎంతో కీలకమని పేర్కొన్నారు. విద్యార్థుల భవిష్యత్తును తీర్చిదిద్దడంలో ఉపాధ్యాయులు అంకితభావంతో పనిచేయాలని సూచించారు. పాఠశాలల అభివృద్ధికి ప్రజా ప్రభుత్వం ఎల్లప్పుడూ అవసరమైన సహాయ సహకారాలు అందిస్తుందని తెలిపారు.

ఈ కార్యక్రమంలో యాదాద్రి భువనగిరి జిల్లా ఎస్‌టీయూ-టీఎస్ అధ్యక్షులు ఇండ్ల శ్రీనివాస్, ప్రధాన కార్యదర్శి కల్లూరి రమేష్, రాష్ట్ర కార్యదర్శి బకనగారి జంగయ్య, ఏఐఎస్‌టీఎఫ్ కౌన్సిల్ మెంబర్ బొమ్మగాని నాగభూషణం, ఎస్‌టీయూ నాయకులు నరసింహ, వెంకటేశ్వర్లు, ఉయ్యాల బిక్షమయ్య తదితరులు పాల్గొన్నారు.