నారాయణఖేడ్ నారాయణఖేడ్ పట్టణంలోని స్థానిక ఫంక్షన్ హాల్‌లో తెలంగాణ రాష్ట్ర గొర్రెల మేకల సంక్షేమ సంఘం రాష్ట్ర అధ్యక్షులు, ప్రముఖ సామాజిక నాయకులు బాపు మల్లశెట్టి కుమార్తె ఆరాధ్య నూతన వస్త్రధారణ మహోత్సవం సోమవారం ఘనంగా నిర్వహించారు. ఈ వేడుకకు నేషనల్ హ్యూమన్ రైట్స్ అండ్ సోషల్ జస్టిస్ కమిషన్ రాష్ట్ర చైర్మన్ అబ్దుల్ రహీం, నారాయణఖేడ్ నియోజకవర్గ కాంగ్రెస్ పార్టీ ఎస్సీ సెల్ అధ్యక్షులు గైని సాయిలు హాజరై ఆరాధ్యను ఆశీర్వదించి, బాపు మల్లశెట్టి కుటుంబ సభ్యులకు శుభాకాంక్షలు తెలిపారు. ఈ సందర్భంగా ఆరాధ్య ఆయురారోగ్యాలతో, సుఖసంతోషాలతో భవిష్యత్తులో ఉన్నత శిఖరాలను అధిరోహించాలని ఆకాంక్షించారు. కార్యక్రమంలో సీనియర్ నాయకులు విఠల్ రెడ్డి, మానూర్ మండల మాజీ అధ్యక్షులు సుభాష్ రావుతో పాటు పలువురు రాజకీయ నాయకులు, ప్రజా సంఘాల ప్రతినిధులు, బంధుమిత్రులు పాల్గొన్నారు.