చౌటుప్పల్ మున్సిపాలిటీ పరిధిలోని 13వ వార్డు వలిగొండ రోడ్డు, బాలాజీ వెంచర్‌లో నూతనంగా ఏర్పాటు చేసిన 'శ్రీ సంతోషిమాత ఏజెన్సీస్' (ఆర్తో కూల్ డ్రింక్స్ డీలర్) షాపును స్థానిక కౌన్సిలర్ బత్తుల వాణి విప్లవ కుమార్ గౌడ్ సోమవారం వైభవంగా ప్రారంభించారు. ​ఈ సందర్భంగా షాపు యజమాని సైదిరెడ్డి.. కౌన్సిలర్ బత్తుల వాణి విప్లవ కుమార్ గౌడ్‌ను శాలువాతో ఘనంగా సన్మానించి, పూలబొకే అందజేశారు. నూతన వ్యాపారం విజయవంతంగా సాగాలని కౌన్సిలర్ ఈ సందర్భంగా యజమానికి అభినందనలు తెలిపారు. ​ఈ కార్యక్రమంలో చౌటుప్పల్ మున్సిపల్ కో-ఆప్షన్ సభ్యులు షేక్ నబీబి జానీబాబు, ప్రముఖ వ్యాపారవేత్త చిలువేరు మంగయ్య, ఉష్కాగుల శ్రీను, జి.చంద్రయ్య, బొర్రా ధర్మేందర్ రెడ్డి, వెంకట్ రెడ్డి, రవీందర్ రెడ్డి, నరసింహ రెడ్డి, శంకర్ రెడ్డి, సలీం, సంతోష్ పంతులు తదితరులు పాల్గొన్నారు.