నారాయణఖేడ్ పట్టణంలోని ఎమ్మెల్యే క్యాంపు కార్యాలయంలో నియోజకవర్గ పరిధిలోని హాస్టల్ సంక్షేమ అధికారులతో ఎమ్మెల్యే డాక్టర్ పట్లోళ్ల సంజీవరెడ్డి సమీక్ష సమావేశం నిర్వహించారు. ఈ సందర్భంగా ప్రభుత్వ హాస్టళ్లలో విద్యార్థులకు నాణ్యమైన విద్యతో పాటు మంచి భోజనం, తాగునీరు, పరిశుభ్రత, వసతి, ఆరోగ్య సదుపాయాలు సక్రమంగా అందేలా అధికారులు ప్రత్యేక శ్రద్ధ వహించాలని సూచించారు. విద్యార్థుల సమస్యలను ఎప్పటికప్పుడు తెలుసుకుని వెంటనే పరిష్కరించాలని, హాస్టళ్లను నిరంతరం పర్యవేక్షించాలని ఆదేశించారు.ప్రభుత్వం విద్యార్థుల సంక్షేమం కోసం అందిస్తున్న పథకాలు, సౌకర్యాలు ప్రతి అర్హుడైన విద్యార్థికి పూర్తిస్థాయిలో అందేలా చర్యలు తీసుకోవాలని తెలిపారు. ముఖ్యంగా పేద, బడుగు, బలహీన వర్గాల విద్యార్థులు మంచి విద్యను అభ్యసించి ఉన్నత స్థాయికి ఎదిగేలా హాస్టళ్లలో అనుకూలమైన వాతావరణం కల్పించాలని ఎమ్మెల్యే సూచించారు. విద్యార్థుల చదువు, ఆరోగ్యం, భద్రతకు అత్యంత ప్రాధాన్యత ఇస్తూ అధికారులు బాధ్యతగా పనిచేయాలని ఆయన స్పష్టం చేశారు. సమావేశంలో నియోజకవర్గ పరిధిలోని హాస్టల్ సంక్షేమ అధికారులు, సంబంధిత అధికారులు పాల్గొన్నారు.