దామెర వాటర్ ప్లాంట్‌కు మరమ్మతులు, 200 వాటర్ క్యాన్ల పంపిణీ

వర్ధంతి సందర్భంగా కుటుంబ సభ్యుల సామాజిక సేవలు అభినందనీయం: సర్పంచ్ శ్రీధర్

కాంగ్రెస్ పార్టీ సీనియర్ నాయకులు, కీర్తిశేషులు బట్టపోతు రాములు జ్ఞాపకార్థం వారి కుటుంబ సభ్యులు చేపడుతున్న సామాజిక సేవా కార్యక్రమాలు ఎంతో అభినందనీయమని దామెర సర్పంచ్ సాతిరి శ్రీధర్ కొనియాడారు. బట్టపోతు రాములు 6వ వర్ధంతిని పురస్కరించుకుని మండల పరిధిలోని దామెర గ్రామంలోని వాటర్ ప్లాంట్‌కు వారి కుటుంబ సభ్యులు సొంత ఖర్చులతో మరమ్మత్తులు చేయించి, గ్రామానికి 200 వాటర్ క్యాన్లను ఉచితంగా అందజేశారు. ​ఈ సందర్భంగా సర్పంచ్ శ్రీధర్ మాట్లాడుతూ.. రాములు జ్ఞాపకార్థం ఆయన కుటుంబ సభ్యులు నిరంతరం ప్రజాసేవలో నిలుస్తున్నారని తెలిపారు. గతంలో స్థానిక ప్రభుత్వ పాఠశాల అభివృద్ధికి 50,000 ఆర్థిక సాయం అందించడమే కాకుండా, ఉచిత వైద్య శిబిరాలు నిర్వహించి, వృద్ధులకు చేతి కర్రలు పంపిణీ చేశారని గుర్తుచేశారు. సమాజ శ్రేయస్సే ధ్యేయంగా వారు అనేక సేవా కార్యక్రమాలు నిర్వహించడం సంతోషదాయకమని పేర్కొన్నారు. ​ఈ కార్యక్రమంలో గ్రామ ఉప సర్పంచ్ ఉప్పునూతల నరసింహ, రాములు కుటుంబ సభ్యులు బట్టపోతు కరుణ, విజయ్, విక్రమ్, వరుణ్, బట్టపోతు బిక్షం, సరిపల్లి మంజుల, పెరుమాళ్ళ అరవింద్, ఐతగోని నరసింహ, సాతిరి మధు, ఊడగు యాదయ్య, సాతిరి ధనరాజు, బట్టపోతు సత్తయ్య, ఊడగు రాఘవేంద్ర, ఏన్నం శ్రీనివాస్, బియ్య సత్యనారాయణ, సాతిరి రాజు, సాతిరి సురేష్ తదితరులు పాల్గొన్నారు.