నారాయణఖేడ్ నియోజకవర్గంలో మానూర్ మండల పరిధిలోని బోరంచ గ్రామ శివారులో మంజీరా నది ఒడ్డున ఉన్న ప్రసిద్ధ శ్రీ నల్లపోచమ్మ అమ్మవారి దేవస్థానం వద్ద జగద్గిరిగుట్ట రాధాకృష్ణ కురుమ యాదవ సంఘం ఆధ్వర్యంలో సుమారు రూ.80 వేల వ్యయంతో 50 అడుగుల రేకుల షెడ్డు నిర్మించారు. ఈ షెడ్డు ప్రారంభోత్సవానికి జగద్గిరిగుట్ట మాజీ కార్పొరేటర్ కె. జగన్, బీజేపీ మేడ్చల్ జిల్లా ఓబీసీ మోర్చా అధ్యక్షుడు శేఖర్ యాదవ్, తెలంగాణ రాష్ట్ర యాదవ హక్కుల పోరాట సమితి జాతీయ అధ్యక్షుడు మేకల రాములు యాదవ్, నారాయణఖేడ్ కురుమ యాదవ సంఘం అధ్యక్షుడు ప్రభాకర్, ప్రముఖులు సింహా యాదవ్ తదితరులు హాజరై షెడ్డును ప్రారంభించారు.దాతలు, ప్రముఖులను ఆలయ మాజీ చైర్మన్ మల్లయ్య శాలువాలతో సన్మానించగా, ఆలయ అర్చకులు సిద్ధయ్య స్వామి ప్రత్యేక పూజలు నిర్వహించి అమ్మవారి ఆశీర్వాదాలు అందించారు. కార్యక్రమంలో బోరంచ సర్పంచ్ బీరప్ప, సంఘం అధ్యక్షుడు అంజన్న, పండరి, హన్మంతు యాదవ్, చి. శేఖర్, దశరథ్, ప్రభాకర్, గండి రాజు, మోటికి అంజన్న, సంఘం సభ్యులు, ప్రజాప్రతినిధులు, రాజకీయ నాయకులు, గ్రామ ప్రజలు, ఆలయ భక్తులు తదితరులు పాల్గొన్నారు.