తుంగతుర్తి మండల పరిధిలోని గొట్టిపర్తి గ్రామంలో వినాయక నవరాత్రి మహోత్సవాల సందర్భంగా బ్రహ్మంగారి గుడి ముందు ఏర్పాటు చేసిన గణపతి మండప ప్రాంగణంలో ఆదివారం సూర్య చంద్ర కమిటీ ఆధ్వర్యంలో మహా అన్నదాన కార్యక్రమాన్ని చేపట్టారు. ముందుగా మండపంలో స్వామి వారికి ప్రత్యేక అభిషేక పూజలు చేశారు. వందలాది మందికి పైగా భక్తులు తరలివచ్చి పాల్గొని స్వామి వారిని దర్శించుకుని, అన్న,తీర్థ ప్రసాదాలను స్వీకరించారు. ఈ కార్యక్రమంలో సూర్యచంద్రకమిటీ సభ్యులు, భక్తులు, గ్రామస్తులు పాల్గొన్నారు.