భువనగిరికి చెందిన వర్ధమాన నటుడు సందీప్ అశ్వ నటించిన ‘రిస్క్’ సినిమా పోస్టర్‌ను ప్రభుత్వ విప్ బీర్ల ఐలయ్య, భువనగిరి ఎమ్మెల్యే కుంభం అనిల్ కుమార్ రెడ్డి సోమవారం జిల్లా కేంద్రంలోని వివేరా హోటల్‌లో ఆవిష్కరించారు.

ఈ సందర్భంగా వారు మాట్లాడుతూ.. భువనగిరి ప్రాంతానికి చెందిన యువకుడు తెలుగు సినీ రంగంలో తన ప్రతిభను చాటుకుంటూ ముందుకు సాగడం అభినందనీయమన్నారు. స్థానిక ప్రతిభకు ప్రేక్షకుల ఆదరణ లభించాలని, ఈ నెల 26న తెలుగు రాష్ట్రాల్లో విడుదల కానున్న ‘రిస్క్’ సినిమా విజయవంతం కావాలని ఆకాంక్షించారు.

భువనగిరి పేరు సినీ రంగంలో మరింతగా వెలుగొందేలా సందీప్ అశ్వ కృషి చేయాలని సూచిస్తూ ఆయనకు శుభాకాంక్షలు తెలిపారు.

కార్యక్రమంలో సినీ నిర్మాత రావి సురేష్ రెడ్డి, మున్సిపల్ చైర్‌పర్సన్ తంగెళ్లపల్లి శ్రీవాణి రవికుమార్, జిల్లా గ్రంథాలయ సంస్థ చైర్మన్ ఎండీ అవేస్ చిస్తీ, పీసీసీ డెలిగేట్ తంగెళ్లపల్లి రవికుమార్‌తో పాటు పలువురు పాల్గొన్నారు.