శ్రీ సంతోషి మాత దేవాలయంలో విశేష ఆధ్యాత్మిక కార్యక్రమాలు

హర హర మహాదేవ నినాదాలతో మార్మోగిన ఆలయ ప్రాంగణం

సూర్యాపేట పట్టణంలోని శ్రీ సంతోషి మాత దేవాలయం లో వేంచేసి ఉన్న శ్రీ సత్య సాంబశివ స్వామి వారి పూజలు భక్తి శ్రద్ధలతో ఘనంగా నిర్వహించారు. ఉదయం నుంచే భక్తులు పెద్ద సంఖ్యలో ఆలయానికి తరలివచ్చి స్వామివారిని దర్శించుకుని ప్రత్యేక పూజల్లో పాల్గొన్నారు.వేదమంత్రాల నడుమ స్వామివారికి అభిషేకాలు నిర్వహించి బిల్వదళార్చన, రుద్రపారాయణం చేశారు. అనంతరం మహామంగళహారతి కార్యక్రమం నిర్వహించగా భక్తులు పరవశించిపోయారు. హర హర మహాదేవ నినాదాలతో ఆలయ ప్రాంగణం మార్మోగింది.పూజల అనంతరం భక్తులకు తీర్థప్రసాదాలు పంపిణీ చేశారు. మహిళలు దీపారాధనలు నిర్వహించగా యువత శివనామస్మరణలో పాల్గొన్నారు. ఆలయ కమిటీ ఆధ్వర్యంలో భక్తులకు ఎలాంటి ఇబ్బందులు కలగకుండా సకల సౌకర్యాలు ఏర్పాటు చేశారు.ఆధ్యాత్మిక వాతావరణంలో నిర్వహించిన ఈ కార్యక్రమం భక్తులను ఆకట్టుకుంది.