చౌటుప్పల్‌లోని శ్రీ గాయత్రి జూనియర్ కళాశాలలో అధిక ఫీజుల దోపిడీని అరికట్టి, నిబంధనలు ఉల్లంఘిస్తున్న యాజమాన్యంపై చర్యలు తీసుకోవాలని ఎస్ఎఫ్ఐ డిమాండ్ చేసింది. ఈ మేరకు జిల్లా ఇంటర్మీడియట్ విద్యాధికారి సురేష్ రెడ్డికి ఎస్.ఎఫ్.ఐ మండల కమిటీ వినతిపత్రం సమర్పించింది.

​పరిమితికి మించి అడ్మిషన్లు చేపడుతూ... యూనిఫాం, పుస్తకాల పేరుతో ఒక్కొక్కరి నుంచి 20,000 వరకు వసూలు చేస్తున్నారని, పేదలకు దక్కాల్సిన 25% ఉచిత సీట్లను కేటాయించడం లేదని ఎస్ఎఫ్ఐ మండల కార్యదర్శి తిగుళ్ళ శ్రీనివాస్ ఆరోపించారు. వెంటనే విచారణ జరిపి కళాశాల గుర్తింపు రద్దు చేయాలని కోరారు. ఈ కార్యక్రమంలో నాయకులు అరవింద్, మల్లేష్ తదితరులు పాల్గొన్నారు.