తుంగతుర్తి ఎమ్మెల్యే మందుల సామేల్ కోమటిరెడ్డి బ్రదర్స్ కు భేషరతుగా క్షమాపణ చెప్పాలని చౌటుప్పల్ వ్యవసాయ మార్కెట్ చైర్మన్ ఉబ్బు వెంకటయ్య, కాంగ్రెస్ మండల అధ్యక్షుడు బోయ దేవేందర్ డిమాండ్ చేశారు. సోమవారం మునుగోడు ఎమ్మెల్యే కోమటిరెడ్డి రాజగోపాల్ రెడ్డి క్యాంప్ కార్యాలయంలో వారు విలేకరులతో మాట్లాడారు.​అన్ని వర్గాల ఓట్లతో గెలిచిన సామేల్, తన తప్పులను కప్పిపుచ్చుకునేందుకు దళిత కార్డును వాడుకుంటూ కాంగ్రెస్ లో కొత్త వివాదాలు సృష్టిస్తున్నారని విమర్శించారు. నియోజకవర్గంలో అసలైన కార్యకర్తలను విస్మరించి, తన కుమారులకే పదవులు, కాంట్రాక్టులు కట్టబెట్టుకున్నారని ఆరోపించారు. కాసుల కోసం మండల అధ్యక్ష పదవులను అమ్ముకోవడం దుర్మార్గమన్నారు. ఈ సమావేశంలో చౌటుప్పల్ మున్సిపల్ చైర్ పర్సన్ మొగుదల పావని రమేష్ గౌడ్, వైస్ చైర్మన్ గోశిక వినయ్ కుమార్, మున్సిపాలిటీ అధ్యక్షులు కాసర్ల శ్రీనివాసరెడ్డి, మున్సిపాలిటీ మాజీ అధ్యక్షులు సుర్వి నర్సింహగౌడ్, కౌన్సిలర్లు, కోఆప్షన్ మెంబర్లు, సర్పంచులు, ఉప సర్పంచ్లు, గ్రామ శాఖ అధ్యక్షులు, వార్డు అధ్యక్షులు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.