సోమందేపల్లి: పవిత్ర రంజాన్ మాసంలో ముస్లింలు దాన ధర్మాలు చేయాలని మౌలానా మొహమ్మద్ ఇలియాజ్ తెలిపారు. శనివారం ఉదయం సోమందేపల్లిలోని జామియా మజీద్‌లో నమాజ్ అనంతరం ఆయన ఖురాన్‌లోని సందేశాలను వివరించారు. రంజాన్ మాసంలో ఒక రూపాయి దానం చేసినా ఎంతో పుణ్యం లభిస్తుందని చెప్పారు. ప్రతి ముస్లిం నమాజ్ చదివి పేదవారికి సహాయం చేయాలని, దాన ధర్మాలు చేయాలని సూచించారు. అనంతరం ప్రత్యేక దువా నిర్వహించారు.