సోమందేపల్లి: తోగట వీర క్షత్రియుల ఆరాధ్య దైవం అయిన శ్రీ చౌడేశ్వరి మాత పంచమ జ్యోతి మహోత్సవం ఈ నెల 20వ తేదీ తెల్లవారుజామున సోమందేపల్లిలో జరగనుంది. ఈ సందర్భంగా సోమవారం చౌడేశ్వరి దేవి ఆలయ ధర్మకర్త, మాజీ సర్పంచ్, మాస్టర్ వీవర్ డీసీ ఈశ్వరయ్య ఎస్ఐ రమేష్ బాబును కలిసి ఆహ్వానించారు.

ఉగాది పండుగను పురస్కరించుకుని జరిగే ఈ జ్యోతి మహోత్సవానికి వేలాదిగా భక్తులు తరలి వచ్చే అవకాశం ఉందని తెలిపారు. కార్యక్రమానికి ఎస్ఐ రమేష్ బాబు విచ్చేసి అమ్మవారి ఆశీస్సులు పొందాలని కోరారు. అలాగే భక్తుల రద్దీని దృష్టిలో ఉంచుకుని మహోత్సవానికి తగిన బందోబస్త్ ఏర్పాటు చేయాలని విజ్ఞప్తి చేశారు.

ఈ కార్యక్రమంలో జ్యోతి సంఘం అధ్యక్షుడు బండారు శీనా తదితరులు పాల్గొన్నారు