పుట్టపర్తి నియోజకవర్గం,

బుక్కపట్నం గ్రామానికి దక్షిణాన నల్లకొండపై ఉన్న తిరుమల దేవర ఆలయం 14వ శతాబ్దానికి చెందినదని చరిత్రకారుడు బుక్కపట్నం గోపి తెలిపారు. ఆయన స్వయంగా ఆలయాన్ని సందర్శించి వివరాలు వెల్లడించారు.

ఆలయానికి తూర్పు, ఉత్తర ద్వారాలతో పాటు దక్షిణ మార్గం కూడా ఉన్నట్లు పేర్కొన్నారు. గుప్త నిధుల తవ్వకాల కారణంగా ఆలయం శిధిలావస్థకు చేరుకుందని వివరించారు. అదే కొండపై విజయనగర రాజులు నిర్మించిన సైనిక పహారా బురుజు, నీటి తోట కూడా ఉన్నాయని తెలిపారు.

తిరుమల దేవర ఆలయంతో పాటు అహోబిలేశ్వర ఆలయం, అక్క దేవతల ఆలయాలను కలుపుతూ రహదారి ఏర్పాటు చేస్తే నల్లకొండ పర్యాటక కేంద్రంగా అభివృద్ధి చెందుతుందని ఆయన ఆశాభావం వ్యక్తం చేశారు.