శ్రీ సత్యసాయి జిల్లా సోమందేపల్లి మండలంలోని గుడిపల్లి గ్రామంలో వెలసిన ఉద్భవమూర్తి భూనీల సమేత శ్రీ సజ్జగంట రంగనాథస్వామి వారి 101వ బ్రహ్మోత్సవాలు భక్తి శ్రద్ధలతో కొనసాగుతున్నాయి. ఈ సందర్భంగా నేడు 8వ రోజు శయనోత్సవం పూజ కార్యక్రమం వైభవంగా నిర్వహించారు.

స్వామివారికి ప్రత్యేక పూజలు నిర్వహించి, అనంతరం బ్రాహ్మణ సంతర్పణ కార్యక్రమాన్ని భక్తి భావంతో చేపట్టారు. ఈ కార్యక్రమానికి పెద్ద సంఖ్యలో భక్తులు హాజరై స్వామివారి కృపను పొందారు.

దేవాలయం ప్రాంగణం అంతా ఆధ్యాత్మిక వాతావరణంతో కళకళలాడగా, భక్తుల గోవింద నామస్మరణతో గుడిపల్లి ప్రాంతం మార్మోగింది.