పుట్టపర్తి మండల తహసీల్దార్ (ఎమ్మార్వో)గా సంహిత శనివారం బాధ్యతలు స్వీకరించారు. తహసీల్దార్ కార్యాలయానికి చేరుకున్న ఆమెకు డీటీ కళ్యాణ్ చక్రవర్తి, రెవెన్యూ సిబ్బంది గులాబీలు అందజేసి శుభాకాంక్షలు తెలిపారు. గతంలో జిల్లా సరఫరాల అధికారి (డీఎస్ఓ) కార్యాలయంలో డిప్యూటీ తహసీల్దార్‌గా విధులు నిర్వహించిన సంహిత, ప్రభుత్వ పదోన్నతుల్లో భాగంగా పుట్టపర్తి తహసీల్దార్‌గా నియమితులయ్యారు. ప్రజలకు అందుబాటులో ఉంటూ పారదర్శకంగా సేవలు అందించేందుకు కృషి చేస్తానని ఈ సందర్భంగా ఆమె తెలిపారు. అధికారులు, సిబ్బంది ఆమెకు అభినందనలు తెలియజేశారు.