రాష్ట్రవ్యాప్తంగా పట్టాదారు పాస్ పుస్తకాల పంపిణీ వేగవంతం

రాష్ట్రవ్యాప్తంగా రైతులకు మొత్తం 21.8 లక్షల పట్టాదారు పాస్ పుస్తకాలను పంపిణీ చేస్తున్నట్లు తిరువూరు నియోజకవర్గ శాసనసభ్యులు కొలికపూడి శ్రీనివాసరావు తెలిపారు. తిరువూరు నియోజకవర్గ పరిధిలో 9,677 పట్టాదారు పాస్ పుస్తకాలను రైతులకు అందజేస్తున్నామని ఆయన వెల్లడించారు.

పట్టాదారు పాస్ పుస్తకాలలో ఎలాంటి తప్పులు ఉన్నా రైతులు ఆందోళన చెందాల్సిన అవసరం లేదని ఎమ్మెల్యే స్పష్టం చేశారు. సంబంధిత అధికారులు స్వయంగా రైతుల ఇళ్లకు వెళ్లి సవరణలు చేసి అందజేస్తారని భరోసా ఇచ్చారు. భూ సమస్యల పరిష్కారానికి ప్రభుత్వం కట్టుబడి ఉందని, రెవెన్యూ క్లినిక్‌ల ద్వారా వేగవంతంగా సమస్యలను పరిష్కరిస్తామని పేర్కొన్నారు.

ఈ కార్యక్రమంలో గంపలగూడెం మండల రెవెన్యూ అధికారులు, గ్రామ కూటమి పార్టీ నాయకులు మరియు రైతులు పాల్గొన్నారు.