సంగారెడ్డి జిల్లా రాయికోడ్ మండల కేంద్రంలోని పోచమ్మ దేవాలయం నిర్మాణానికి గ్రామస్థులు సహకారం అందిస్తున్న వేళ, ఇటీవల వీరభద్రేశ్వర జాతర మహోత్సవం సందర్భంగా ప్రదర్శించిన “పెద్దిరాజు పెద్దమ్మ” పౌరాణిక నాటకంలో పాల్గొన్న నాటకమండలి సభ్యులు ఒక మంచి నిర్ణయం తీసుకున్నారు. ఈ నాటకంలో పాత్రధారులకు కట్నకానుకల రూపంలో వచ్చిన సుమారు 60,000 రూపాయలను వ్యక్తిగతంగా వినియోగించకుండా, సమాజానికి ఉపయోగపడే విధంగా దైవకార్యానికి వినియోగించాలని అందరూ కలిసి నిర్ణయించారు. బుధవారం గ్రామ పెద్దలు మరియు దేవాలయ నిర్మాణ కమిటీ సభ్యుల సమక్షంలో ఈ మొత్తాన్ని పోచమ్మ దేవాలయం నిర్మాణానికి విరాళంగా అందజేశారు. ఈ సందర్భంగా నాటకమండలి సభ్యులు మాట్లాడుతూ దైవకార్యానికి సహాయం చేయడం తమకు సంతోషంగా ఉందని, భవిష్యత్తులో కూడా అవసరమైన సహాయ సహకారాలు అందిస్తామని తెలిపారు. నాటకమండలి సభ్యుల ఈ సేవా భావాన్ని గ్రామ పెద్దలు, దేవాలయ కమిటీ సభ్యులు మరియు గ్రామ ప్రజలు అభినందిస్తూ, ఇది ఇతరులకు ఆదర్శంగా నిలుస్తుందని పేర్కొన్నారు.