స్నేహితులతో కలిసి రిసార్ట్ పార్టీకి వచ్చిన ఓ ప్రైవేట్ ఉద్యోగి అనుమానాస్పద స్థితిలో మృతి చెందాడు. పోలీసులు తెలిపిన వివరాల ప్రకారం... మంచిర్యాల జిల్లా శ్రీరాంపూర్‌కు చెందిన గాండ్ల రాము (27) కూకట్‌పల్లిలో ఉంటూ ఉప్పల్‌లోని ఒక ప్రైవేట్ కంపెనీలో పనిచేస్తున్నాడు.ఈ నెల 13న అతడు తన సహోద్యోగులతో కలిసి కోయలగూడెంలోని 'ఆర్వా రిట్రీట్ ఫార్మ్ రిసార్ట్'కు పార్టీకి వచ్చాడు. అక్కడ స్నేహితుల మధ్య చిన్న గొడవ జరిగి సర్దుమణిగింది. ఆ తర్వాత రాత్రి 1 గంటల సమయంలో రాము స్పృహతప్పి పడిపోవడంతో చౌటుప్పల్ ప్రభుత్వ ఆసుపత్రికి తరలించారు. అతడు అప్పటికే మృతి చెందినట్లు వైద్యులు పేర్కొన్నారు. మృతుడి తండ్రి అంజయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు చౌటుప్పల్ ఇన్‌స్పెక్టర్ జి. మన్మధ కుమార్ తెలిపారు.